今晚英超好客之夜

猪拉多纳

Peter認為今晚4場英超賽事，當中有3場客軍大有機會搶到分，甚至贏埋擸晒3分，分別係新特蘭主場迎戰愛華頓、西布朗主場對紐卡素，以及史雲斯喺自己地頭硬撼阿仙奴，筆者比較喜歡呢3場嘅客軍，尤其係季初賤過地底泥嘅「喜鵲」紐卡素。
紐卡素連贏4場全面復甦

雖然「喜鵲」主帥柏杜仍不受粉絲歡迎，下台之聲不絕於耳，仲有大衞辛頓、奧巴坦、施安迪莊等因傷缺陣，好彩以路蘭度艾朗斯、森美艾美奧比、艾約斯佩雷斯為首嘅生牯仔乘勢崛起，協助「喜鵲」連贏4場全面復甦，包括熱刺、曼城及利物浦等強隊都成為佢哋手下敗將，作客梗係唔赦狀態一般嘅西布朗喇，不妨整番條客W過關3串4，或者來個和波過關3串4亦可，若果想小心啲嘅話，可捧其中1仗嘅客隊場囉。至於意甲賽事「傻豹」巴勒莫主場對烏甸尼斯，Peter則睇好近況較佳嘅巴勒莫，希望大家可以喺今晚歡樂而歸喇。
金句：周日晚要客氣一點，來個英超全「客」宴