劍指三冠王！海灣者讓半一上盤好路

猪拉多纳

聽朝將會舉行1場美職季後賽西岸4強次回合賽事，由西雅圖海灣者主場鬥FC達拉斯。達拉斯首回合喺先開紀錄下被逼和1:1可謂放虎歸山，今次作客呢支美職常規賽冠軍睇怕都係凶多吉少，一於撐主隊讓半一嘅1.95倍上盤。

（TVB301周二早上11:30直播）
丹普西 馬田斯抖足搏殺

嚟到季後賽階段，達拉斯表現未算突出，計埋淘汰圈2戰合共入3球，但要留意佢哋2場波全部喺主場出戰，仲要3球入面有2球係12碼，火力實在不宜過分高估。更令人擔心嘅係佢哋已經連續5場作客海灣者輸波收場，班波心理上隨時未打已經先投降。

海灣者今季已奪得美聯盃同常規賽冠軍，全隊上下目標直指季後賽，誓要成為「三冠王」，鬥心毋庸置疑。事實上佢哋係美職主場贏波最多球隊之一，今仗回師主場令人更添信心。再者海灣者唔使踢淘汰圈，今仗距離首回合足足抖足8日，有助馬田斯、丹普西等年過30歲嘅主力回氣，贏波自然更加得心應手喇。