比利時冰島細畀你睇

猪拉多纳

嚟緊打硬仗無謂搏殘

國際賽期又返嚟喇，喺歐國盃外圍賽開打之前，各國列強先嚟一場熱身賽Warm up吓，其中「歐洲紅魔」比利時會喺主場對冰島。比利時嚟緊周日會喺歐國盃外圍賽B組對榜首威爾斯，而冰島亦會喺A組同捷克上演榜首大戰，兩場波都咁鬼重要，比利時同冰島今場肯定會有所保留，費事搏殘班球員呀嘛，所以阿King今場推介入球細畀大家。

（周四凌晨3時45分開賽）

今期比利時大軍名單冇乜大變動，夏薩特、費蘭尼、盧卡古、奇雲迪布尼及泰拔高圖爾斯等常客繼續入選，連有傷在身嘅隊長高柏尼同缺態嘅阿士東維拉前鋒賓迪基都獲徵召，人腳齊晒其實係因為「歐洲紅魔」喺B組形勢唔算大好，踢咗兩場僅得4分，佢哋喺呢組實力超班，咁嘅成績梗係唔收貨喇！比利時下輪歐國盃外圍賽對住榜首嘅威爾斯，如果想直接出線可以話係不容有失，咁佢哋又點會落力踢呢場對冰島嘅熱身賽呢？
挪威讓主「愛」得過

同一道理，喺A組連殺土耳其、拉脫維亞同荷蘭嘅冰島將要對住同樣3戰全勝嘅捷克，今場對比利時相信會留力，呢場熱身賽隨時兩邊hea hea吓夠鐘就算，仲唔捧細盤咩。

另一場熱身賽挪威主場對愛沙尼亞，愛沙尼亞以本土聯賽球員為主，質素唔高，讓球主勝值捧。最後講多場阿甲獨腳戲，河床主場迎戰學生隊，河床唔單止主場勁，仲試過喺南球盃兩勝學生隊，今次一於熱捧主勝！