智利當打主Ｗ捉圭

猪拉多纳

今日多場重量級國際熱身賽，度士特別睇好智利，呢支南美新貴進入收成期，球員年輕充滿活力，佢哋喺今屆世盃決賽周表現一鳴驚人，絕非虛火，加上射手阿歷斯山齊士大勇，主場迎戰冇蘇亞雷斯助陣嘅烏拉圭，勝算更大。度士撐「A山」，智利1.68倍主W咪錯過。

（周三早上8時開賽）

智利自森莫蘭奴、沙拉斯時代結束後，曾陷入青黃不接，但經過青訓努力，近年人才輩出，阿歷斯山齊士、伊度亞度華加斯都可以獨當一面。呢班球員年輕、技術好，整體戰亦出色，行軍速度快、反擊銳利，喺早前巴西世盃決賽周擊敗西班牙，對巴西一役，僅因互射12碼敗陣，成績有目共睹。智利現時級數，已同另外兩大南美勁旅巴西、阿根廷非常接近。由於智利陣中球星唔多，踢熱身賽比較落力，日前大勝委內瑞拉5比0，就係最佳證明。以佢哋近四次主場三勝一和強勢，當然唔怕烏拉圭。
烏拉圭冇阿蘇難寄望

至於烏拉圭超級射手蘇亞雷斯踢完上仗對哥斯達黎加嘅熱身賽後，獲准提早離隊返回巴塞，冇緣今場比賽，卡雲尼亦有「球會包袱」，畢竟已經周中，周末仲要踢聯賽，呢位仁兄收天價人工，難免會錫身，否則受傷好難向老闆交代，唔好對佢抱有太大期望。

度士醒你 山度士

前香港足球先生，畀料同佢做人一樣，百足咁多爪，對唔同聯賽都有興趣。教波同貼波，一樣做阿哥。