羅渣士普捷天奴齊翻身

猪拉多纳

兩支差強人意嘅球隊利物浦同熱刺，今晚喺英超齊齊作客對水晶宮及侯城，咁啱得咁蹺，利、熱同為4勝2和4負得14分位列中游，呢兩支從未染指過英超冠軍嘅傳統勁旅，若繼續咁樣頹落去，Peter認為佢哋嘅領隊羅渣士及普捷天奴會烏紗不保。須知道一名新帥上任，總會帶畀球隊新鮮感，但當蜜月期完咗，嗰啲冇料教頭嘅弊病就會浮現晒出嚟，好似駕馭唔到一啲Hea踢球員，假如兩人唔想被炒，今晚夜作客夜一定要贏。
國米對AC和味濃

至於意甲嘅米蘭打吡，無論係掛名主場嘅AC米蘭，抑或係同市死敵國際米蘭，都已經今非昔比，可以話雙方既冇一個強大陣容，以及美好嘅前途，就算國米有文仙尼重作馮婦，亦難為「藍黑兵團」帶來好大起色，極其量都係和波收場。
金句：紅軍熱刺作客翻身今晚夜