學生隊抖夠 衝擊防衞者

猪拉多纳

學生隊上仗作客畀葛度爾古斯逼和，令球隊奪冠機會大打折扣，但今仗回師主場面對作客戰績平平嘅防衞者，加上休息時間比對手多，相信有望重拾勝軌，捧主W！

（周一凌晨4時開賽）

學生隊早前喺聯賽打破榜首河床不敗身，令球隊士氣大振，但呢場波令學生隊付出極大嘅代價，結果一眾球員喺上仗對葛度爾古斯時疲態畢露，最終只能與對手打成平手，令爭標機會大打折扣。不過，學生隊今仗相信可重拾水準，因球隊今季喺主場踢聯賽只曾輸過一仗，反觀今仗對手防衞者作客已連輸三場，加上周中仲踢咗場聯賽，球員未必回得切氣，相信難以抵擋以逸待勞嘅學生隊，睇好學生隊今仗可以喺主場贏波。