哥列1.7倍W依「斯」執

猪拉多纳

巴甲殺到入最後直路，哥列迪巴明晨會喺主場迎戰彭美拉斯，兩軍未完全脫離降班危機，踢落當然唔敢揸流攤，不過講近況佢哋就差成條街，要揀梗係揀演出比較對辦嘅哥列迪巴1.7倍主勝啦。

（開賽時間：周一清晨5:30）
彭美連續3場吞兩蛋

哥列迪巴最近頻頻成功搶分，近6場聯賽淨係作客輸過畀法林明高，其餘5戰不敗執咗9分，狀態相當唔錯。除此之外，佢哋主場出擊亦例牌踢高半班波，近10戰主場取得7勝2和1負佳績，唯一敗仗係1:2僅負榜首嘅高士路，今場點會赦同級數嘅彭美拉斯吖？

客軍彭美拉斯排名雖然較高，不過佢哋嚟到季尾愈踢愈沉，近7場聯賽只贏過深陷降班漩渦嘅巴希亞。受首席射手荷西漢歷基啞火拖累，彭美最近仲直落3場吞兩蛋輸波，今場客戰莫講話要贏波，想搶番1分落袋都唔係易事，捧主勝冇衰！