慕遜加柏下盤有本有「利」

猪拉多纳

歐霸A組今晚亦有場榜首大戰，由維拉利爾主場對小組「1哥」慕遜加柏。慕遜雖然近2場德甲輸波，但只要今仗贏波，即以小組首名出線，所以佢哋一定搏盡。相反「黃色潛艇」近期表現反覆，仲要讓半一，1.66倍嘅下盤不妨一試！

（有線64、203及廣東體育周五凌晨4:05直播）
贏波即篤定首名出線

慕遜加柏喺11月初多得中場基拉馬1球「世紀老烏」，作客不敵多蒙特，17場不敗紀錄就咁斷纜，國際賽後主場對法蘭克福又輸1:3，季初強勢蕩然無存。不過，今場佢哋只要贏波嘅話，就可以篤定首名出線，所以一定唔會Hea踢！今戰佢哋有「烏龍王」基拉馬因背傷未必上陣，後衞史蘭斯仲未傷愈，但對呢班波嚟講，整體發揮唔會有太大影響。

另邊廂嘅維拉利爾季初表現亦都唔錯，但呢排走勢回落，近5場贏得嗰1場咁大把，上一輪嘅歐霸賽事作客實力稍遜嘅蘇黎世，仲要以2:3意外輸波，表現好唔穩定，就算主場出擊都信唔過，點讓半一咁多呀，梗係撐下盤啦！

歐霸盃A組