恩沙基教到AC烏Sir Sir

猪拉多纳

國際米蘭換帥後，成績略有改善，但新教練文仙尼始終係「神經刀」，以往執教曼城，經常做出令人費解嘅調動，球隊水準亦好飄忽，國米表現仍有待觀察，今輪大戰羅馬，大戶暫時按兵不動。今晚意甲可以再反AC米蘭，呢支老牌球隊名過於實，已經5場聯賽未贏過，主場讓唔起烏甸尼斯。

（TVB 301周日晚10時直播）

AC米蘭今季提拔恩沙基執教，但呢位少帥經驗不足，球隊近期陷入低潮，佢根本束手無策，僅能寄望艾沙拉維、文尼斯等憑個人質素搵食，實在睇唔到佢哋可於短期內打破困局。烏甸尼斯屬意甲中型班，射手迪拿達利老而彌堅，整體級數不在AC之下。AC讓一球明顯受高估，揀烏甸尼斯下盤。
卡利亞里硬淨下盤有計

另一支意甲球隊卡利亞里相當硬淨，近兩仗對當勇嘅熱拿亞及拿玻里都唔使輸，今仗主場對費倫天拿受讓平半，要卡軍下盤。英超方面，曼城上周中歐聯對拜仁，大戶賽前重注曼城下盤，中得應一應大豐收。不過曼城搏到好盡，今場作客讓修咸頓平半，寧揀主隊下盤。

大戶動向

肥叔縱橫足球菠菜界多年，先鋒地位誰可代替？更摸清各路大戶投X取向，市場動態盡掌握！