紅軍狐狸大鬥法

猪拉多纳

焗出「謝四」防守又變差

等咗成個月，利迷終於都等到愛隊利物浦贏波一刻，喺主場小勝史篤城1粒，有人話，贏波嘅轉捩點係「神奇隊長」謝拉特被貶後備，出返盧卡斯呢個正宗防中，防守穩陣好多，不過賽後就傳出領隊羅渣士竟然喺「神奇隊長」為「紅軍」上陣16周年嘅紀念日子唔出佢，暗示「謝四」「紅軍」生涯進入倒數階段，其實以謝拉特喺球會嘅地位，羅帥都要忌佢三分，又點敢長期擺佢落後備呀，所以今輪英超快車，「紅軍」作客「狐狸」李斯特城，謝拉特料會復任正選，防守又會變差，大盤值捧。

（now 622周三凌晨3時45分直播）
李斯特城搶分唔會守

羅渣士只係擺咗謝拉特一場落後備，謠言即刻滿天飛，話利物浦借啲意逼走佢，續約又Hold住，仲話「謝四」1月就會離隊添！羅帥賽後解畫話要畀謝拉特抖吓，其實34歲嘅「神奇隊長」被安排輪休都好正常啫。羅渣士今場好大機會搵番「謝四」同洛夫雲踢正選，順便粉碎同謝拉特不和嘅傳言。不過「謝四」一向唔係踢防中嘅料，中堅洛夫雲又唔係太穩陣，門將米洛列特亦表現飄忽，「紅軍」今場作客難再保持清白身。

李斯特城近8場輸咗6場，依家跌到榜尾位置，領隊皮雅臣面臨下台壓力，為咗保住份工，皮雅臣今場唔會踢得保守，利用對手嘅防守弱點爭勝，1.8倍嘅大盤值得一博。