來福非吳下阿蒙

不死鸟

估唔到「好爸爸」轉倉他投，除?香港馬圈中人議論之外，連外國遠至澳洲均有人關注，筆者一位好友長居澳洲，但他對賽馬運動甚有興趣，此位土生土長香港仔，對香港賽馬更甚關注，昨日他在網上看到「好爸爸」由薛達志轉去告達理馬房，他即來電訊問筆者因由，話「好爸爸」響薛達志訓練下交出咁好成績都要拉走，我同佢講，馬主點解突然轉倉，我都唔知原因，只係從報上知悉馬主對傳媒講，想支持弱勢馬房，所以咪轉倉囉，是真是假由你自行去評定矣!
回應完老友疑問，講回正題，今次主角係蔡約翰馬房的「來福」（上圖）。此駒上季出賽兩次，分別在1400米得亞季各一，雖然暫未有頭馬交出，但牠的實力已顯露，睇回牠呢兩仗所負給頭馬分別係「紅日」及「雄心馬主」，前駒之後再贏已評78分，後駒其 後再贏多兩場亦評70分（包括升上三班）。而「來福」目前只評56分居四班作戰，睇回之前所贏牠的兩駒，升上3班作戰仍能入位及贏馬，由此反映牠現居4班屬過客，此駒拚過兩仗後，因健康出現問題而休戰，但相信練者蔡約輸必會撚好其健康，亦預計呢匹4歲仔，健康復原後必有更進一步表現，屆時操好狀態達作戰水準，今季必可勝出兩場頭馬或以上。