史篤城玩針對 剷平兵工廠靠山

猪拉多纳

(六)28 史篤城 Vs 阿仙奴

今季表現唔對辦嘅阿仙奴將會作客「豬頭骨」史篤城，「兵工廠」表面上近況好似唔錯，近3場全勝，但其實過程非常驚險，上兩場對住西布朗同修咸頓都只能小勝1比0，贏到修咸頓都算嘞，但係竟然連西布朗都贏唔到多幾球。

近期阿仙奴多數單靠阿歷斯山齊士（A山）一個，史篤城肯定會有針對性嘅防守，一旦A山畀人守死，阿仙奴就會好大鑊。史篤城出名係「豬頭骨」，阿仙奴呢啲技術型球隊對住踢法硬淨嘅史篤城就最蝕底，所以點解「兵工廠」成日畀史篤城剋住，近6次作客只係贏咗1場咁大把。史篤城雖然3連敗，但當中輸畀利物浦同曼聯表現一啲都唔失禮，輸得勁唔抵，今場受讓值得捧場。

（now 621周六晚11時直播）