侯城借地利咬西布朗

猪拉多纳

近況回勇喜遇同級對手

下周中歐聯分組賽上演最後一輪賽事，曼城、羅馬、辛尼特及利物浦等球隊面臨生死戰，小心周末聯賽留力，呢啲球隊嘅賽事有好大變數，最好做足準備工夫先落注。肥叔今次重心推介英超侯城主場對西布朗，兩隊評級接近，但普遍莊家開侯城讓平半，除咗地利因素外，亦因為侯城狀態有回升迹象，主隊可以秤先，要上盤。

（now 624周六晚11時直播）

侯城周中快車鬥愛華頓，肥叔講過呢班波經過大敗畀曼聯後，會打醒十二分精神，演出亦特別落力，果然搶到分逼和對手，命中下盤。侯城終止4連敗後，係時候力爭重敲勝鼓，尤其係今仗遇上護級主要對手西布朗，唔可以再主守，必須主攻求勝，否則護級前路會好難行。侯城擁有謝拉域、迪亞美等具質素攻擊好手，有力贏呢場「6分波」。
QPR靠晒主場搶分

西布朗靠晒射手比拉希奴搵食，但佢近一個多月死晒火，球隊成績急插水，呢種「一人球隊」唔可靠，被睇淡合理。另一場英超下游對決，昆士柏流浪（QPR）主場對般尼，QPR礙於質素，依家專注主場搶分，今仗應該又會發威，小讓平半要上盤。

德甲方面，漢諾威防線穿晒窿，主場對攻強守弱嘅禾夫斯堡，開大盤機會高。西甲畢爾包雖然成績有改善，但主場讓科爾多瓦球半，實在太過火，要下盤。