流浪者下盤坐和望贏

猪拉多纳

防守力夠強頂得住「阿聯」！

今日下晝，球彩台除咗直播日職煞科戰外，亦都會送上澳職大戰，由阿德萊德聯主場迎戰西悉尼流浪者。啱啱至輸咗佢哋今季第1場嘅阿德萊德聯，喺西班牙教頭甘巴爾帶領下表現的確唔錯，但最近就傳出星散消息，盛傳甘巴爾同中場馬比畀人挖角，軍心難免動搖，所以今場對住有啲實力嘅西悉尼流浪者未必讓得起，受讓半一嘅1.78倍下盤可以支持。

（有線64及203周六下午4:30直播）
盛傳甘巴爾 馬比離隊

曾經教過傑志嘅甘巴爾，成功打造「阿聯」成為控球同主攻踢法嘅球隊，不過最近傳出有日職球會想撬佢過檔，甘巴爾只係應承咗「唔會季中走人」囉！同時，肯尼亞中場馬比據報亦有可能會轉投荷甲勁旅阿積士。空穴來風，睇嚟上場畀墨爾本勝利打破不敗之身，唔多唔少都同呢啲消息有關。
流浪者近4仗和3場

西悉尼流浪者儘管贏咗個亞冠盃，但喺本土聯賽嘅成績一蹶不振，至今喺澳職仲未贏過，佢哋踢埋今場，又要飛去摩洛哥踢世界冠軍球會盃，相信都唔想頭耷耷出發啦！事實上，西悉尼流浪者近4場聯賽和咗3場，走勢開始回勇，而且表現出嚟嘅防守力都唔算差，只係進攻把握力唔夠啫。今場作客「阿聯」，靠防守攞返1分唔難，受讓半一，當然值得捧場啦！

頂占筍盤：西悉尼流浪者（下盤）

有線球彩台主持 阿占

電郵：soccer64@cabletv.com.hk

面書球彩專頁：http://fb.com/icable64

PHONE波熱線：1831 678

「球彩直播室」：下午2:15至晚上6:30