摩納哥夠贏辛尼特

猪拉多纳

生死大戰只能活一隊

歐聯一連兩日分組賽都有生死戰上演，今晚C組摩納哥主場對辛尼特，兩隊只能活一隊。摩納哥和波即可出線，反觀辛尼特就非勝不可，但各大莊家仍開出平手盤，主隊低水，足見市場仍然對褪色豪門摩納哥比較有信心。的而且確摩納哥已漸漸復甦，班主魯博洛夫列夫莫財，需要透過歐聯吸金，對出線席位志在必得，相信大戶手影，平手盤要摩納哥。

（有線62及202台周三凌晨3時45分直播）

摩納哥老闆魯博洛夫列夫因為離婚，喺今年5月被法院判需要分45億美元（約350億港元）財產畀前妻，搞到摩納哥今季大縮皮，出售占士洛迪古斯畀皇馬，以及外借法卡奧到曼聯，令成績急倒退。慶幸球隊開始適應變回「平民球隊」嘅日子，上輪歐聯作客擊敗利華古遜，成為力保出線希望關鍵。
搵銀幫補老細荷包

摩納哥喺法甲難望爭標，會專注踢歐聯，希望喺呢項獎金豐厚嘅大賽掘金，幫補老闆荷包。

辛尼特今屆兩場勝仗都係擊敗出咗局嘅賓菲加，鬥利華古遜則兩戰皆北，主場亦只能同摩納哥打和，級數明顯稍遜。好大程度上因為俄超水準同競爭力都不夠水準，辛尼特可以喺國內聯賽也文也武，但出戰歐聯就顯得力有不逮，相信今仗難翻身。
阿仙奴態沉捧對家

另外，D組阿仙奴已獲出線權，近況又麻麻，作客讓唔起加拉塔沙雷。至於B組皇家馬德里則順到不得了，主場對攻力唔錯嘅盧多格德斯，屬大盤格局。A組奧林比亞高斯背水一戰必搶攻，有力炒起已篤定出局嘅馬模。

大戶動向

肥叔縱橫足球菠菜界多年，先鋒地位誰可代替？更摸清各路大戶投X取向，市場動態盡掌握！