歐洲駿馬扶搖直上

不死鸟

黃汝安馬房上季兵源單薄，得廿幾匹馬仍取得12場頭馬，雖然未達到馬會13場頭馬指標，以養馬量不多來計，基本上成績算不差，而他上季依賴「神駒」系替馬房取得多場頭馬成績，估計練者今季除「神駒」系會繼續倚重外，而當中上季有好幾匹質新馬會係今季欽點盡用，筆者今次推介?「歐洲駿馬」（上圖）應是其中之一。
「歐洲駿馬」上季於1月21日在港首戰，出爭谷草1200米，由鄭雨滇操刀，該場陣中所見牠意外重重。賽後報告有以下詳述，首先話牠展步緩慢，出閘後不久在「長長久久」與「權勇駿」之間受擠迫時大力勒避，到200米處，難以望空的「歐洲駿馬」，收慢並且移向「好玩」外側以望空。當「歐洲駿馬」向外移出時，「好玩」亦向外斜跑，導致「歐洲駿馬」勒避。在咁多意外影響下，再睇回牠在直路最後200米處時仍居內欄中間?死位，咁?位置必輸無疑，但到最後100米竟然絕境逢生有個生位，牠望空後，三兩箭步以勁勢追前跑入一席第2名，呢場可以講係有點符碌，但以牠初戰欠經驗兼連番受阻及勒避下，竟然對牠鬥心無損，反映其鬥心強勁。其後再出三仗三甲不入無功而回，純係進度不足與實力不足無關。展望呢匹4歲有質份子，今季成熟躍進下，再經練者重新打造必可展光芒，質值2班佳駟，出爭谷草1650米必有頭馬見面。