年青人斯巴達大駁火

猪拉多纳

拿玻里喺I組已穩奪出線權，排第二嘅布拉格斯巴達領先第三位嘅年青人一分，布拉格斯巴達今仗作客年青人只要和波就可以出線，相反年青人就要贏波才能晉級。年青人六連勝狀態甚弗，主場出擊一定全力搶勝，遇上踢法同樣進取嘅布拉格斯巴達，今仗入波相信唔會少，捧大盤！

（有線64及203周五凌晨4時05分直播）

瑞士球隊年青人喺分組賽暫時錄得三勝兩負，仍有機會晉級下圈賽事，只要今仗主場擊敗布拉格斯巴達就可完成任務。年青人近期喺各項賽事取得六連勝，球員狀態甚弗，今季新加盟嘅法國射手賀拉奧與及日本前鋒久保裕二近期經常取得入球，今仗有力射破對手大門。

捷克球隊布拉格斯巴達今仗只要和波就可以出線，球隊雖續有前鋒尼斯邦及中場比兹拿尼克因傷缺陣，另一前鋒拿菲達則有傷上陣成疑，但仍有中場馬迪祖夫斯基、杜卡爾及前鋒侯斯鮑亞在陣，加上球隊踢法進取，今仗作客就算只求一分落袋都未必會踢守勢波，兩軍隨時出現對攻場面，捧入球大。