阿仙奴紐卡素大騷專家

猪拉多纳

阿仙奴今仗主場面對紐卡素，讓球主勝本身有得諗，事關阿仙奴主場一向食住紐卡素，對上6仗贏咗5次，其中4次更係贏3球或以上，完全格食格，只係考慮到「兵工廠」今季狀態起伏好大，前面雖有阿歷斯山齊士、韋碧克、艾朗藍斯等射得之人，但防線集中力唔夠，上周聯賽輸畀史篤城，弱點就暴露無遺。

（now 621周日凌晨1時30分直播）

其實紐卡素條防線亦唔係咁掂，中堅史提芬泰萊停賽，隊長高洛仙尼因傷上陣成疑，正副龍門告魯爾同洛艾利洛亦傷晒，極有可能要搵21歲嘅艾恩域擔大旗。睇番兩軍對賽往績，經常出現瘋狂賽果，如「兵工廠」贏過7比3、紐卡素落後4球奇迹逼和4比4，因此今場1.59倍大盤比讓球主勝可以更放心捧場。