巴塞未回氣基達菲偷到雞

猪拉多纳

周中歐聯各大豪門好有體育精神，阿仙奴、拜仁慕尼黑、巴塞隆拿、皇馬、車路士穩奪出線權下，仍然去盡，開晒上盤，助散戶執唔少。不過要提防佢哋周末聯賽回氣，西甲巴塞隆拿作客讓基達菲兩球，比較過火，無可否認巴塞幾位射手好了得，但防線唔算穩，經過歐聯擊敗巴黎聖日耳門，報番一敗仗之仇，搶埋小組首名，隨時有所鬆懈，寧願揀基達菲下盤同入球大。

（now 632周六晚11時直播）

巴塞隆拿連贏8場，三大球星美斯、尼馬、蘇亞雷斯配合愈來愈好，自然受熱捧，今仗讓到兩球，仍然不乏捧場客。球隊順起上來，往往會更加心雄，尤其係巴塞呢種主攻型球隊，對弱隊時，會谷得更前，導致後防空虛，令基達菲有機會偷襲。巴塞防線一向唔算穩陣，未必保到清白之身，讓兩球唔抵玩。當然巴塞攻力仍然值得信賴，入球大比較可取。
修咸頓退熱係時候入貨

英超修咸頓連輸3場畀3支豪門後，開始退熱，今仗作客尾二般尼，修咸頓係爭取反彈好時期，讓半一上盤可以入貨。水晶宮主場對史篤城，雙方屬於同一級數，但史篤城近況較佳，平手盤可以一試。

最後講埋德甲，多蒙特衰開有條路，作客讓哈化柏林半一，宜博下盤。