波圖追榜首 格殺賓菲加

猪拉多纳

葡超經典榜首大戰，波圖主場對賓菲加，上季盟主賓菲加雖然仍位居榜首，但由於季前唔少主力離隊，上周中歐聯分組賽更包尾出局，反映實力大跌Watt。反觀波圖於歐聯輕鬆出線，恃勢正好趁今仗爭標「六分波」贏埋賓菲加搶走榜首位置；波圖小讓平半要上盤。

（周一凌晨4時直播）

波圖上季最終被賓菲加拋離十三分輸得肉酸，痛定思痛後，今季有明顯改善，成為聯賽唯一未敗之師；射手積臣馬天尼斯弗爆，已有十球進帳，加上新兵巴謙美亦對辦，球隊火力十足，近三仗葡超轟入十球。波圖現時落後賓菲加三分，如果贏咗今仗唔只追到同分，仲可憑較佳對賽成績升上榜首，對爭標非常關鍵，今仗一於要上盤。