PSG煲魚生粥 吼讓球和

猪拉多纳

兩支上周有份出戰歐洲賽嘅法甲球隊甘岡、巴黎聖日耳門（PSG）今晚碰頭，甘岡連盃賽在內三連勝兼攻入十球，踢出了開季以來最佳氣勢，聖日耳門對上三次聯賽贏波都係僅勝一粒，而且近五場作客聯賽場場有失波，客W1.32倍冇肉食，要淨勝兩球開讓球客勝又有風險，波童建議捧「讓球和」。

（TVB 302周一凌晨零時直播）
甘岡谷起唔易食

甘岡近期狀態好弗，除咗聯賽連勝卡昂、蘭斯擺脫包尾位置，歐霸盃關鍵一役仲作客打敗希臘榜首PAOK取得出線權，三場比賽加埋入咗十球，實在令波童刮目相看，呢股氣勢加上主場之利，相信可以拉近佢哋同聖日耳門之間嘅距離。聖日耳門近三次聯賽贏波都係僅勝一球，而且對上五次聯賽作客出戰全部有失波，足證防守唔太穩陣，波童認為聖日耳門今仗好大機會再以一球差距擊敗對手，建議捧讓球和。