拿玻里人腳當打攞到A

猪拉多纳

意甲球隊喺今屆歐霸盃一反常態，表現非常落力，分組賽4隊全部出線，再加埋由歐聯降格落來嘅羅馬，總共有5隊打入32強。肥叔比較睇好拿玻里，除咗人腳質素較好之外，教練賓尼迪斯屬於盃賽專家，亦係球隊一大優勢，令人有所期待。今晚意甲拿玻里作客AC米蘭，莊家開平手盤，肥叔揀近10場不敗嘅拿玻里。

（TVB301周一凌晨3時45分直播）

拿玻里今季成績雖然有所下滑，但始終有一定質素，對住名牌球隊，演出往往特別醒神，近10場不敗之中，曾經擊敗羅馬，球隊潛力其實非常優厚，現時排名不足反映拿玻里真正實力，開平手盤可以話係低估咗拿玻里，呢個時候正好趁機吸納。AC米蘭名大於實，呢班波好多球員都過晒高峰期，甚至可以用老弱殘兵來形容，加上恩沙基只係教練初哥，級數同賓尼迪斯有一大距離，拿玻里贏面較大。
羅馬哀兵上陣難讓熱拿亞

羅馬喺歐聯力戰之下，被曼城踢出局，身心都受創，更唔好彩今仗仲要作客面對近9場聯賽不敗嘅熱拿亞，好大機會又失利，力捧受讓平半嘅熱拿亞下盤。德甲利華古遜主場對慕遜加柏，兩隊實力、狀態都好接近，利華要讓半一，實在太過火，要客軍下盤。

大戶動向

肥叔縱橫足球菠菜界多年，先鋒地位誰可代替？更摸清各路大戶投X取向，市場動態盡掌握！