今晚7PM！歐聯抽籤注意！

猪拉多纳

歐聯16強香港時間今晚7時於瑞士尼翁進行抽籤，英超雙雄曼城、阿仙奴分組賽只能以次名出線，極有機會遇上西甲三雄，阿仙奴對上兩屆都係喺16強被德甲冠軍拜仁慕尼黑淘汰，今次又會唔會冤家路窄？另外連續兩屆打入8強嘅法甲勁旅巴黎聖日耳門、意甲三連霸祖雲達斯亦係實力相當嘅次名隊伍，邊隊抽中對佢哋亦唔易啃。

至於歐霸盃亦會接着於8時進行32強抽籤，由歐聯降格嘅利物浦、羅馬、阿積士及上屆冠軍西維爾都唔係種子隊，預期會有多場勢均力敵嘅對決出現。

（有線61台周一晚7時直播）
歐聯16強形勢

小組首名：

馬德里體育會（西班牙）、皇家馬德里（西班牙）、

摩納哥（法國）、多蒙特（德國）、拜仁慕尼黑（德國）、

巴塞隆拿（西班牙）、車路士（英格蘭）、波圖（葡萄牙）

小組次名：

祖雲達斯（意大利）、巴素利（瑞士）、利華古遜（德國）、

阿仙奴（英格蘭）、曼城（英格蘭）、巴黎聖日耳門（法國）、

史浩克04（德國）、薩克達（烏克蘭）

※各支小組首名、分組賽同組及同一國家球隊均不會於16強對賽。