傾力之城款頭十足

不死鸟

講起以「之城」系命名?馬主凌釗城及其子凌基偉兩父子，他對早前在港任練馬師的大衛希斯信任有加，原因由他的家族靈犀牧場引入的馬匹來港作戰取得不俗頭馬成績可印證。而今次所講其公子凌基偉的「傾力之城」（下圖）此駒亦係由大衛希斯家族靈犀牧場引進來港，睇過此駒台型十足必是匹好高質素佳駟，相信今季成熟進一步下可施威力大放異采。
講「傾力之城」台型十足實力高唔係齋噏，而係有事實證明，此匹2歲體重逾千二磅健碩大隻馬，上季首戰新馬賽爭1200米，只係操了幾個月便上陣，真正狀態頂多得八成，而該役面對3歲跑過多場?「虎虎生輝」，竟然夠膽落飛到4.8倍，可見幕後自視甚高，雖然最後以三又四分一馬位毫無威脅得第二，但睇回牠出閘不順利，向上跳躍失位甚多，但馬兒鬥心一流，自動撲上下兩三步便追上大隊，並佔得很有利位置，入到直路開始打衝鋒，但始終頭馬「虎虎生輝」太厲害，埋唔到身俯首稱臣亦屬合理戰果。無疑再出爭新馬短途錦標再輸畀「虎虎生輝」得第九名次，該役因場地為軟路，早段更與「虎虎生輝」鬥燒，成熟不及對手，大敗亦情有可原，所以該役敗績筆者不當一回事，亦無動搖對牠實力高強?信心，展望牠今季踏入3歲，目前評52分居4班起步大為�魯担�只要進度理想，敢言起碼有2Ｗ在手。