澳足盃決賽阿聯大起光輝

猪拉多纳

澳足盃今日踢決賽，由阿德萊德聯主場對珀斯光輝。阿德萊德聯剛戰喺主場輸波，谷埋成肚火今仗肯定主動搶攻爭勝；珀斯光輝近期表現平穩，今仗為求捧盃就算作客都唔會死守，阿King睇好今仗入波唔會少，捧大盤！

（有線64及203台周二下午4時30分直播）

澳足盃決賽係一場過分勝負，若喺90分鐘內打成平手則需加時，加時再和則以互射12碼分勝負。阿德萊德聯上周聯賽不敵布里斯班獅吼，主場金身被打破，但球隊該仗表現患得患失，輸波當然唔忿氣。「阿聯」呢場一場過嘅決賽有主場之利，相信會主攻望捧盃，球隊傷兵得後衞奧沙麥馬歷及佐敦艾斯，今仗鋒線絕對有力取得入球。
諾士郡態沉益普雷斯頓

珀斯光輝依家係澳職一哥，今季聯賽唯一敗仗就係作客對阿德萊德聯，但球隊最近狀態唔錯，近9仗未輸過之餘，近4場作客更錄得3勝1和佳績。光輝雖然有翼鋒靴斯因腿筋嚴重受傷提早收咧，但前線仍有安迪基奧治及李察加西亞等射手在陣，今仗就算作客都唔會踢守勢波，分分鐘同對手鬥攻，今場決賽相信會係入球騷。

另外，英甲球隊諾士郡近期狀態欠佳，近四仗主場僅錄得1和3負嘅劣績，今仗英錦標主場對普雷斯頓寧願捧番客隊。而葡超球隊比蘭倫斯雖連續三場賽事冇波入，但近兩仗遇勁旅布拉加及賓菲加未能作準，今仗對手只係甲組仔費蒙特，比軍有望贏波重振士氣。