熱刺人腳充裕夠力拆紐

猪拉多纳

另一場英聯盃8強，熱刺主場對紐卡素，英超爭標、甚至爭前4位都唔輪到熱刺，盃賽成為佢哋搵食地方，熱刺喺歐霸盃輕鬆出線之後，今仗英聯盃應會重錘出擊。主W1.72倍勝算高。

（TVB 302周四凌晨3時45分直播）

今場勝負關鍵在於兵源，熱刺最大優勢係人腳相當充裕，會方近年羅致多位球員，即使迪比利、查迪利等高質素球員，往往都要屈居後備，可以話有人滿之患。熱刺應付一周雙賽，絕對綽綽有餘，正係熱刺能夠喺歐霸盃也文也武嘅原因，當然夠餘力踢好英聯盃。
紐卡素傷兵成籮難兼顧

至於紐卡素原本走勢唔錯，但近期備受傷兵問題困擾，中場阿比特、後衞賴恩泰萊、門將告魯爾都缺陣，削弱防守能力。球隊上仗由21歲3號門將安尼克把關，結果以1比4大敗於阿仙奴，影響有幾大可想而知，睇怕無力兼顧盃賽。