曼城搶韁半場布捷

猪拉多纳

正在力追榜首車路士嘅曼城，今晚會作客西布朗。「藍月亮」雖然所有正前鋒皆有傷上陣成疑，但上仗以翼鋒占士米拿串演箭頭表現唔錯，一眾中場球員後上攻門更見威力，面對近況只屬一般嘅西布朗相信可以極速取得領先優勢，捧2倍嘅半場客勝。

（now 621周五晚11時直播）

曼城近期陷入前鋒荒，好似阿古路、迪斯高及祖維迪皆有傷無法上陣，而之前有上過陣嘅西班牙小將普素亦抱恙在身，搞到主帥比歷連尼上仗對水晶宮要擺出「無鋒陣」，以翼鋒占士米拿串演箭頭，不過，呢招竟然令「藍月亮」一眾中場表現生猛，輕鬆以3比0擊敗對手。由於曼城一眾前鋒續抖，比帥大有可能食過翻尋味，有埋上仗經驗，應可迅速入局。

西布朗遇強即屈

至於主隊西布朗近期表現比較反覆，近7仗只得1勝1和5負嘅成績，面對車路士、阿仙奴、韋斯咸同紐卡素都輸波，可見鬥親前列分子都冇運行。佢哋今仗有安尼捷比、多蘭斯及莊拿斯奧臣等因傷上陣成疑，面對近期火力唔錯嘅曼城，未必能頂到半場，令阿謙更加睇好曼城可以「秒殺」西布朗，半場客勝穩開。