Boxing Day黑貓恰老虎

猪拉多纳

假期冇得抖 英超打晒骰

好多人未必認為英超係技術、戰術最高嘅聯賽，但點解有咁多球迷追捧呢，原因好簡單，因其擁有三大利好條件：（一）時間最啱亞洲球迷；（二）球隊畀得起錢請來大家最熟悉嘅球星；（三）同其他聯賽踏入年尾就要歇冬唔同，英超每年聖誕及新年期間都唔會休戰，陪住球迷歡度假期。

正所謂食得鹹魚抵得渴，英超各隊領隊唔應該太過彈劾賽制或自怨自艾，事關英超收得咁高電視轉播費，而且喺呢十幾日假期中成為全球球壇主角，何樂而不為呢？其實喺呢段咁頻密賽期，有料主帥操練方面唔需要谷得太行，只要配合調兵遣將，球員應可適應得到，成績自然會好。
博好分頭串埋曼城

Boxing Day有十場英超，Peter希望送一份你們拆得到嘅聖誕禮物，就係排第14嘅「黑貓」新特蘭迎戰尾二嘅「老虎」侯城，「黑貓」啱啱於東北打吡勇挫死敵紐卡素，氣勢如虹，今晚返主場打「虎」擸晒3分冇難度，主勝有1.9倍博得過。若果想再賺多啲，不妨吼埋曼城作客西布朗，前者嘅客勝有1.47倍，同「黑貓」主勝整條2串1，乘埋都唔錯，祝大家假日快樂！身體健康！
金句：停不了的假日英超，還是覺得你最好