快車尾關車仔撞散聖人

猪拉多纳

今年「拆禮物日」都算對得住名牌客，五大英超名牌球隊車路士、曼城、曼聯、阿仙奴及利物浦全部贏波，反映出前列爭位激烈，隊隊都砌到盡，千祈唔好拗頸同強隊作對，當中以榜首嘅車路士表現最穩定，相信要「直通車」過三關冇難度，作客對修咸頓捧客W。

（now621台周日晚10:05直播）

聖誕新年快車嚟到第三輪，隔唔夠48小時又開波，球迷可能擔心會有冷門出現，不過依家一線強隊好似車路士咁人強馬壯，就算輪換幾件影響都唔大，睇番上年拆禮物日最後一輪亦冇乜冷門戰果出現，球迷毋須太擔心，何況今日英國南部天氣亦和暖，清風送爽最適合踢波。
莫連奴「揸快車」未輸過

車路士首兩輪快車分別以2:0擊敗史篤城及韋斯咸，過程贏得相當輕鬆，球員體力消耗唔多，陣中亦冇乜傷兵，以莫連奴帶領車路士踢聖誕新年快車優良戰績（14勝4和），相信再下一城問題唔大。

修咸頓今季星散後仍保持上佳成績，令唔少球迷跌眼鏡，「聖人」成功在於優良青訓及出色估波系統，但佢哋要同強隊拗手瓜仲有一段距離，今季對曼城、曼聯、阿仙奴、利物浦全部輸晒，「遇強即屈」特性表露無遺，今場難阻車仔去路。

另一場想同大家研究係葡萄牙聯賽盃。葡萄牙聯賽強弱懸殊非常嚴重，近10年都係「BIG4」波圖、賓菲加、士砵亭同布拉加天下。當然，論歷史、規模同人腳，布拉加都唔可以同其他三雄相提並論，但正因為名氣冇咁響，唔聚飛賠率亦更加吸引。
葡聯盃布拉加唔聚飛抵捧

由於聯賽唔輪到佢哋爭，故布拉加近年都專注盃賽，踢葡聯盃就尤其出色，過去三屆第3圈分組賽，取得8勝1和佳績，前屆更曾力壓波圖封王。至於馬迪亞拿雖有「孤島效應」，但聯賽主場成績喺葡甲僅排20，可見主場威力有限，今場客W有1.65倍極為吸引。
樂比推介

車路士客勝

布拉加客勝

資深足球菠菜專家 樂比