新特蘭遇強愈強 城功在望

猪拉多纳

鬥心爆棚！雞蛋無懼高牆

新年快樂！2015年第一日又有英超陪住大家，呢幾日英超有3間球會出現人事變動，分別係紐卡素、水晶宮同西布朗，但由於三隊都未有新帥領軍，樂比決定今輪靜觀其變先，等佢哋上台後先再食「新帥效應」都未遲。曼城近期受傷兵困擾，9連勝終斷纜，面對超級硬淨嘅「黑貓」新特蘭，讓球主客和開到「-2」，讓球客勝值得一試！

（now622台周四晚11:00直播）
曼城成籮傷兵靠唔住

曼城上仗主場倒灶，被般尼逼和2:2，未能縮短同榜首車路士嘅差距。「藍月亮」失分嘅原因除咗因為略為輕敵，傷兵名單多都係致命傷，尤其係射手阿古路同迪斯高缺陣，大大削弱入球能力，搞到占士米拿要客串前鋒，連大後備史葛冼佳亞都要粉墨登場，即使中場耶耶托尼今仗有機會傷愈復出，但狀態亦靠唔住，未必幫得幾多。

新特蘭係一支幾正路同四平八穩嘅球隊，雖然佢哋曾經大敗予修咸頓0:8，但正如隊長奧沙所講，嗰場波反而係「黑貓」今季嘅轉捩點，事關呢場恥辱性敗仗強化咗球員嘅決心，之後即刻踢番幾場好波，分別逼和勁旅車路士同利物浦，可見佢哋係遇強愈強，無懼「高牆」。
新特蘭近5仗客戰不敗

冇錯，「黑貓」鋒力係麻麻，但如果好好咁踢穩守突擊，其實係做得唔錯，佢哋近5仗作客保持不敗之餘，近4戰仲冇失過波添，面對好似曼城呢啲強隊，識得踢下風波係非常重要，今晚曼城讓球主客和讓到兩球，樂比認為「讓球客勝」有好大走盞位，有乜事即場投X買番個大隨時雙贏，保守嘅朋友如果冇乜信心，補番少少「讓球和」，當買過亞洲盤受讓兩球亦得。
盤路解碼

新特蘭今季10場作客得1次輸多過1球。
Data King：兩軍對賽旺開大

‧新特蘭從未試過聯賽造訪「藍月亮」保持清白身。

‧「黑貓」今季10場作客波只係輸過2場。

‧曼城主場迎戰新特蘭連開5口入球大。
樂比推介：新特蘭（讓球客勝）