勝利光輝猛火做「大」騷

猪拉多纳

新年快樂呀！澳職2015年球彩台頭炮就有場榜首大戰上演，聯賽排第2位嘅墨爾本勝利主場迎戰一哥珀斯光輝，兩隊目前係澳職火力最強嘅球隊，墨爾本勝利今季主場平均每仗入2.7球，幾乎憑一己之力已經可以開個1.77倍入球大，球迷擔定櫈仔睇呢場新年「大」戰啦！
勝利主場入波多

勝利上仗臨完場險勝紐卡素噴射機後，爭標機會重現曙光，不過依家仍然落後珀斯光輝4分，主場唔爭取贏波修復失地等幾時？雖然突尼西亞進攻中場賓卡法拿拎咗5張黃牌要停賽，好在球隊勝在有多支大炮，射手艾奇湯臣同貝利沙都係射得之人，絕對夠晒入波火力。

查實墨爾本勝利今季主場好得人驚，今季7場主場比賽入咗19球，其中艾奇湯臣同貝利沙就包辦其中10球，認真唔講得笑！作客嘅珀斯光輝做得「一哥」亦唔係善男信女，今季兩隊喺足總盃交手，珀斯光輝就喺加時以4:2淘汰墨爾本勝利，前鋒夏朗特亦重拾射門鞋，既然兩隊都咁入得，玩「入球大」無走雞啦。
頂占筍盤：墨爾本勝利（入球大）