英足盃冷盤精選

猪拉多纳

(六)3 班士利Vs米杜士堡

推介︰主勝、讓球主勝

甲組仔班士利主場對英冠「老四」米杜士堡，越級挑戰成功機會高，事關班士利過往踢英冠已食住對手，其中近5次主場對米堡，更加贏咗4次。雖然班士利今季降落甲組，但遇到「私房菜」，表現應會特別醒神，讓球主勝有2.22倍抵玩，甚至可博5倍主勝。

（周六晚11時開賽）

(六)16 羅奇代爾Vs諾定咸森林

推介︰主勝

英冠球隊諾定咸森林陷入低潮，連續6場未贏過，聖誕快車兩仗輸晒失6球，演出頹爆。森林今仗作客甲組仔羅奇代爾，客W竟然有2倍，明顯熱唔透，小心中伏。羅奇代爾正好把握機會，趁對手病、攞佢哋命，博3.1倍主勝。

（周六晚11時開賽）

(六)17 洛達咸Vs般尼茅夫

推介︰讓球主勝

英冠下游球隊洛達咸主場對英冠榜首般尼茅夫，就冇運行？咁又未必。洛達咸排名低，但狀態唔曳，已保持6場不敗。今季聯賽作客般尼茅夫，亦全身而退，今仗有地利再鬥「一哥」般尼茅夫，並未驚過。如果嫌3.3倍主W風險高，可選擇受讓嘅洛達咸1.77倍讓球主勝。

（周六晚11時開賽）