曼城錫身唔去盡 小勝收貨

猪拉多纳

曼聯死敵曼城則於主場迎戰英冠錫周三，兩軍季初曾於英聯盃碰頭，當時曼城主場大勝7比0，但今時唔同往日，曼城前線唔齊腳，而且啱啱搏完一輪快車賽程，就算晉級都難再炒對手，今場中位數調高至3.5球，波童建議捧細盤。

（now 635及668周日晚11時直播）

曼城喺快車賽期4戰3勝1和，追至同車路士並列榜首，不過過程絕不輕鬆，連搏幾場後難免要回氣。加上阿古路、迪斯高仍在養傷，祖維迪亦疲態畢露，領隊比歷連尼今仗或重用西班牙小將普素攻堅，攻力恐會打折扣。
錫周三料會死守

睇番曼城上季喺英足盃第3圈亦曾意外打和布力般流浪，最終要經過重賽才淘汰對手，所以唔好低估聖誕、新年快車賽程對強隊嘅影響。錫周三吸取上次慘敗教訓，今次作客曼城球場應會以守為先，佢哋對上兩場比賽都冇失波，防守唔曳，預計今仗唔會有大手交易。