黑池立立亂 維拉有Heart捧讓主

猪拉多纳

英總 23:00（日）13 阿士東維拉 Vs 黑池

今日繼續向英格蘭足總盃第3圈埋手。每支球隊對盃賽心態不同，加上經過快車檔期摧殘，陣容上預期會出現頗大變化，操盤手開盤時可能有落差，投X者只要充分掌握形勢，有機會執到筍貨。是日推介阿士東維拉，黑池管理立立亂，又要為護級煩惱，維拉可贏番場沖喜，捧1.98倍讓球主勝。

（開賽時間：周日晚11:00）

度盃賽我會根據三大準則，首先係動機，一心爭升班及護級球隊評級會調低，因為盃賽未必係佢哋First prioity，另外中型班如要兼顧歐洲賽，本土盃賽亦未必睇重，所以最好揀一啲實力不俗嘅中型班；第二係踢法係咪適合踢盃賽，淘汰賽同聯賽好唔同，防守佳、少犯錯、把握力高同心理質素強，往往能在盃賽發圍；第三係後備力量，依家一隊波廿幾個球員，盃賽點都會派部分後備落場，如果後備力量好自然有優勢，目前排12位嘅維拉就符合以上三點要求。
借盃賽踢番起賓迪基

當然，開波前一定要Check埋正選陣容，陣容有冇誠意，睇得出隊波有幾重視，但維拉領隊林拔已表明，除後衞尼敦巴卡、華亞爾、辛德路斯同中場戴爾夫分別養傷停缺陣外，其餘主力都會盡量落場，佢更點名希望射手賓迪基可藉今仗重拾信心，可見林拔對今仗有一定期望。
黑池冇人用

不過，今仗捧主隊某程度上唔係對維拉有信心，而係覺得黑池太不濟。黑池季初陷財困冇糧出兼冇球員，已鬧出天大笑話，另外球會「世襲」制度及家庭式管理，早為球圈中人詬病。雖然黑池季初出事後簽咗唔少免費球員，加上借將令球隊維持一定戰鬥力，但最近多名借將包括丹尼爾斯、史超活奧基菲、積及梅菲及隆特史譚均已被終止借用合約，其中甚具天分嘅翼鋒積及梅菲因在社交網站揶揄球隊經常輸波被踢走，可見球員視輸波為習慣，隊內士氣及紀律亦極差，捧維拉啱數。
樂比推介：阿士東維拉（讓球主勝）

資深足球菠菜專家