拉素搶Ｗ有森得

猪拉多纳

意甲今晚重開即上演前列大戰，拉素主場對森多利亞，兩隊今季表現都令人驚喜，屬於「第二集團」，目標爭奪下屆歐聯入場券，今仗硬碰對雙方前途甚為關鍵。原本兩隊五五波，但森多利亞首席射手加比亞甸尼停賽，大大削弱球隊入波能力，拉素正好可乘虛而入，簡單要主勝。

（TVB 301周二凌晨3時45分直播）

今季意甲已成為祖雲達斯同羅馬之爭，其他球隊只能爭季軍，參加下屆歐聯外圍賽。第3位嘅拉素至第8位費倫天拿，只有3分距離，季軍之爭非常激烈。拉素同森多利亞同分，屬名副其實「6分波」，拉素喺皮奧利執教下，踢法甚為進取，排出三前鋒攻堅，仲不時將中場老將莫利推前，效果理想，佢今季已有6球進帳。加上高路斯寶刀未老，皮奧利手上大把優秀進攻球員可用，自然要充分利用本錢，一舉贏埋主要勁敵森多利亞。
森多射手缺陣影響大

其實森多利亞都好硬淨，但問題係首席射手加比亞甸尼停賽，令進攻變得冇重心，另一位射手奧卡卡卓卡可能轉投AC米蘭，難免打擊士氣。進攻上受不利因素困擾，加上作客好大機會捱打，實在難樂觀。同埋雙方近五次交鋒，森多利亞輸咗4次，受讓半一都冇着數，要番拉素1.68倍主Ｗ好過。