勞愛德勤力值得讚

不死鸟

去季高雅志是年紀最大騎師，不過自他走後，現時勞愛德是年紀最大騎師，不過年紀大不代表可以偷懶，反而佢更是晨課中最為積極的騎師，何以見得？
一向以來騎師甚少會在飛機坪操練，不過連朝均見勞愛德都為蔡約翰馬房的馬匹在機坪操練，動態相當積極，絕對沒有恃老賣老的情況。事實上，唔好睇勞愛德就快47歲，他騎功絕對沒有半點退化，最重要他可以造到113磅，這點連韋達及柏寶都未必可以做到，相信他日有機會可以爭取到一些輕磅座騎，尤其是近年蔡約翰開始分散投資，並非將馬匹主力交予韋達出擊，小心勞愛德以冷門身份搏殺。
講開韋達，雖然佢過去9年成為冠軍騎師，卻從未沾手過一次最受歡迎騎師獎，去年終於兩個獎項都歸他所有，不過筆者覺得因為柏寶季尾時晨課鬧記者事件，形象問題而失去了不少分數，不過前幾天韋達復課，對傳媒笑面迎人及握手示好，你可以說韋達只是作門面功夫，未必是真誠相待，不過這些就是換來不少分數的行動，看來韋達就算如何寫Blog去討好馬迷，都唔及得上記者們，在報紙上寫他的正面報道。