大摩擴闊用人範圍

不死鸟

大摩自早前回港後，準備工夫立即積極起來，當然主帥白德民歸來後，更加倚重這位猛將幫手操馬，而且每朝都見到大摩、白德民及兒子佐治三人行。筆者總覺得，大摩多年以來兜兜轉轉不斷地換主帥，甘寶棠、韋利信、伯嘉、約克甚至蘇銘倫，都係好快地不歡而散，其實就是「眾裡尋他千百度，那人卻在燈火欄柵處。」白德民今年踏入第三年與大摩合作，相信這對拍檔來季將會更為合拍。
不過如果大家有留意的話，近期晨課大摩除了用白德民操馬外，更有用其他騎師幫手，分別有韋健仕、柏威廉甚至梁家俊。當然不是說白德民不濟，不過大家要知道白德民最多造到118磅，有些輕磅馬真係造唔到磅，如果到時才搵騎師的話，真係唔熟悉那位騎師的實力或能力時，那就發揮唔到馬匹的水準。現在搵定第二梯隊隨時補上的話，如果白德民有甚麼問題，或者真係造唔到磅，都可以有人可以頂上，加上大摩有許多頂班馬，隨時一場都唔止出一匹馬咁少，如果有雙龍甚至三龍出海的話，都有值得信賴的人可以運用，大摩呢招可說是兩全其美。