修咸頓傷兵多冇着「素」

猪拉多纳

周六英超壓軸戲碼，由紐卡素主場恭候修咸頓，「喜鵲」受讓平半值博。聯賽連同盃賽在內，「喜鵲」雖然近8戰輸6場，但值得留意嘅係，呢6場敗仗有5場係作客波。但當紐卡素返到「鵲巢」出戰就脫胎換骨，9場錄得5勝3和1負，不敗率勁高之餘，睇埋往績主場亦食住修咸頓，近11次交手9勝2和未輸過，球員信心都強啲！

（now621台周日凌晨1:30直播）

「聖人」修咸頓喺英超擊敗曼聯之後，再喺英總砌低埋葉士域治，睇落演出相當對辦，不過連同今場造訪聖占士公園球場，已經係佢哋7日內第3場作客波，而且日本中堅吉田麻也要踢亞洲盃，加上舒尼達連、雲耶馬、沙迪奧文尼、艾達韋列特等中後場主將受傷唔踢得，今場對住「宿敵」紐卡素未必惡得出樣。