國足為世盃狂攻北韓

猪拉多纳

主帥比連下令3戰全勝

亞洲盃B組上演最後一輪分組賽，由中國對篤定出局嘅北韓。國足鎖定首名出線，今仗似乎毋須搏到盡，但其實中國仍然要為成為來屆世界盃外圍賽種子隊而搏命。論整體質素，國足高過北韓，一眾將帥亦講到明今場不勝無歸，一於撐1.7倍主勝！（now671周日下午5:00直播）
搶分爭做亞洲區種子

2018年世界盃亞洲區外圍賽喺今年開打，中國會喺第2圈亮相，屆時40隊會分成8組，爭逐最後12強席位。當中第2圈8支種子隊會根據亞洲盃後嘅國際足協最新排名決定，而中國出戰亞洲盃前嘅亞洲區排第9名，如果今次亞洲盃能夠搶分，成功躋身亞洲區前8名嘅話，就可以避開日本、南韓等勁旅，令殺入最後12強嘅機會大增！

雖然國足主帥比連今場應會作出輪換，畀班主力休息，但佢賽前講明要以小組全勝姿態殺入淘汰賽，中場猛將于海仲譬神劈願要擊敗北韓，嗰班小將蔡慧康、廖力生等難得有落場機會，肯定會搏盡啦，唔使驚中國今場贏唔到。
北韓篤定出局

另邊廂，北韓首兩場分組賽輸晒肯定出局，呢班波戰意好難估。最弊係主帥趙侗旭都認衰，承認北韓無論喺技術層面或臨場表現都唔合格，希望盡快得到改善。睇番往績，北韓近3次鬥中國全部輸晒，仲要每場都輸兩粒，今場想翻身都難啦！

亞洲盃B組