西布朗回勇「讓客」愛得過

猪拉多纳

今晚有一場英超上演，由愛華頓主場對西布朗。「拖肥糖」近期連盃賽12場波，只係贏得一場咁大把。之不過作客嘅西布朗近況回勇，連埋英總已經贏咗兩場，論士氣一於撐西布朗「棒打落水狗」，捧1.98倍嘅「讓客」！

（now621周二凌晨4:00直播）

西布朗請咗佩尼斯做領隊之後，近3場表現即時脫胎換骨，近3場都未輸過。雖然英總對手只係非聯賽球隊基斯赫德，但係大炒對手7球，對西布朗士氣絕對起咗極大幫助。佢哋件射手比拉希奴正受轉會傳聞困擾，近日又因為酒後駕駛搞到一身蟻，話晒佢都係隊波不可或缺嘅球員，睇怕佩尼斯未必對佢作出懲罰，繼續擔正。
愛華頓狀態曳

另邊廂嘅愛華頓，自上個月中「英超快車」擊敗昆士柏流浪之後就未贏過，連埋整個12月，佢哋近12場比賽只係贏得一場，狀態曳到飛起。今場佢哋仲有中前場茵艾登麥基迪停賽，就算盧卡古出得，鋒力都大受影響，點讓得起西布朗？