國米1.56倍熱W捧得過

猪拉多纳

老友交手有「森」讓路

意大利盃16強有話題戰上演，國際米蘭主場對森多利亞有得睇千祈咪錯過，因為雙方教頭文仙尼同米赫洛域係多年老友，再遇肯定唔想失威，不過米赫洛域領軍倒戈冇運行，熱捧國米1.56倍W。

（now633台周四凌晨4:00直播）
米赫洛域倒戈冇計 長友佑都戰亞洲盃

文仙尼球員時代同米赫洛域喺拉素做過隊友，到佢首次執教國米，又試過以教練身份同米赫洛域合作。之後仲犀利，米赫洛域退役後做埋文仙尼嘅助教，證明佢兩個交情勁深，相信做慣話事人嘅文仙尼，唔希望衰喺對方手上，就算長友佑都要為日本踢亞洲盃，都值得信多次國米。

森多利亞今季幾掂，但正因為咁，佢哋爭聯賽前3名嘅興趣，應該會比爭意大利盃更加大。更何況，近年米赫洛域倒戈對國米幾乎完全冇計，無論帶費倫天拿定森多利亞都畀人恰，期間5次交手得1和4負，今次當係送順水人情畀文仙尼過關，絕對唔出奇，博國米贏番場實際啲。