勁擊準備就緒

不死鸟

南非練馬師苗禮德來港多年，成績不過不失，反而與副練屢傳不和，希望今季能與余詠詩合作愉快，替馬房爭取好成績。早幾年苗禮德以辣操對待馬匹，此種辣操法，對待弱馬並不適合，所以很多弱馬經過他此種狠辣操練變成反效果，還好後來糾正過來，現時他的操練手法視乎馬匹體質而作出適當配合，令到馬匹交出好表現，正如上季表現出色的「雄心馬主」便是例子之一。
今季苗禮德在暑期時，一樣將馬匹密密操，有些更安排試泥地大閘，睇回近幾次泥地大閘，均見苗禮德安排馬匹參予，早前推介?「精彩」試泥閘走勢出色，說明狀態已有作戰水準，而今次推介?「勁擊」（左圖）有異曲同工之妙。
此駒屬體弱馬，太過辣操對牠不適合，而今季暑期復操時，苗禮德安排游水、踱步為主，到馬匹基本工夫做足後，才安排慢跳到快跳，而態況亦逐漸提升，睇得到牠有好狀態，就係牠在9月1日試泥地1050米大閘，雖然跑第四，但沿途見勞愛德將牠置於內欄馬群中間，無大動作推騎，但「勁擊」走來輕鬆，到直路最後100米處時，馬兒一望空即撲上前越過數駒追入第四名，過終點後餘勢更勁，呢課試閘已顯露勇態。上季連場落敗換來評分大幅下調，目前評56分回復贏馬時水位，季初跑谷草1650米記得捧場。