卡利亞里主場夠薩

猪拉多纳

深陷降班漩渦嘅卡利亞里，早前搵嚟綽號「小巨人」名宿蘇拿救亡，可惜首仗領軍即吞巴勒莫5隻光蛋，吃了一記悶棍。好彩近期已見起色，上次擊敗護級對手切塞納，盡顯主場霸氣，卡利亞里最厲害就係薩丁島地頭威力，今晚主場出戰薩斯索羅，讓平半上盤值博，1.92倍大亦值得捧場。

（TVB301周日凌晨1:00直播）

意甲受重視程度不斷下降，雖然「電話門事件」後令各球會有所收斂，但球圈依然有一套潛規則存在，只係做得冇咁明目張膽而已。好似2013年底爆發嘅假球門事件，共有90場賽事被調查，當中卡利亞里佔兩場。球壇烏煙瘴氣，係意甲墮落嘅主要原因，但從菠菜角度睇，只要捉到路反而更有投X價值。
火力唔曳蘇拿有計

以卡利亞里為例，上次主場對排名低兩位嘅切塞納，主W賠率低見1.45倍實在熱得過分，似乎已為贏波露出端倪，而今仗卡利亞里對中游嘅薩斯索羅，馬會主W得2.05倍亦屬偏熱，而且全球菠菜公司亦有落飛迹象，睇嚟對主隊相當有信心。

卡利亞里自04年重返甲組後，大部分球季都不愁降班，但隨住前班主施連路（Massimo Cellino）去年夏天離開咗呢間接掌22年嘅球會，成間會即時亂晒龍。正所謂人在人情在，年僅37歲嘅新班主真連尼Tommaso Giulini根本冇人畀面，幸好佢去年底搵嚟前名宿蘇拿執教，相信以佢人脈同經驗可以幫助到卡利亞里。
薩斯索羅連續7場失波

目前排尾3嘅卡利亞里，其實甚有潛質升上聯賽較高位置，因為班波入球能力甚佳，喺意甲排第10。呢點同佢哋前教練係「進攻大師」施文有關，起碼呢隊波唔係一無是處，只要蘇拿執好番條防線，護級絕非不可能之任務。

反觀上季僅護級成功嘅薩斯索羅，目前排到中游位置絕對係超額完成兼喜出望外，呢啲細球會一無欲無求，就大踢風流波，值得留意係佢哋防守麻麻，近7場都有失波，今場面對踢法進取嘅卡利亞里，隨時大手交易。
卡利亞里（上盤，入球大）