水晶宮食到飽小心骾親

猪拉多纳

亞洲盃今日上演終極決賽，非洲國家盃亦進入淘汰賽階段，雖然非洲列強水準唔錯，但非國盃放喺歐洲各大聯賽季中時間舉行，始終唔划算，喺歐洲搵食嘅非洲兵為數不少，佢哋梗係唔想為咗太公波搞到帶傷而回得罪出糧老細喇，究竟國家榮辱緊要啲，定係米飯班主重要啲呢？肥叔自問睇唔通，加上非洲波蠱惑多，有時寧願睇波算數。

講番今晚重心推介，英超水晶宮主場硬撼愛華頓，兩隊波狀態高下立見，前者係柏杜接手後連贏四場，新帥效應勢如破竹，面對八場未贏過嘅愛華頓，居然開出平手盤，水晶宮仲要高水添，邊有咁大隻蛤乸隨街跳呀？水晶宮呢類中下游分子，四連捷贏波贏盤食到飽晒，小心獲利回吐，正所謂物極必反，愛華頓衰咗咁耐係時候反彈，平手盤有計。

(now 624周六晚11時直播)
弗賴堡迎法福好「大」喜「攻」

至於啱啱重開嘅德甲，肥叔就睇中弗賴堡主場對法蘭克福，後者在前不來梅教頭舒哈夫帶領下，貫徹好「大」喜「攻」嘅打法，弗賴堡為搶分護級亦唔會坐以待斃，兩軍隨時合演入球騷，大盤好路。

（周六晚10時30分開賽）
大戶動向

肥叔縱橫足球菠菜界多年，先鋒地位誰可代替？更摸清各路大戶投X取向，市場動態盡掌握！