修咸頓史雲斯執靚防線獻細

猪拉多纳

如果一隊波兩場失咗8球，唔使講領隊嘅當務之急肯定係解決防守脆弱問題。科娜講緊嘅係「天鵝」史雲斯，呢隊波喺英超畀車路士數完5粒後，再喺英足盃畀英冠嘅布力般流浪反勝1比3。失咗咁多波，史雲斯今場作客「聖人」修咸頓，首要目標肯定係減少失球數字，因此細盤值得一試。

（now 621周一凌晨零時直播）

史雲斯上仗英超喺上半場就畀車仔狂數4粒，最尾埋單吞5蛋，點知隊波仲未吸取教訓，喺英足盃第4圈作客布力般流浪又失3球。連續兩場輸得咁羞家，「天鵝」今場作客修咸頓仲點敢唔做好防守？何況史雲斯今場有進攻中場基菲爾施古臣停賽，「天鵝」連唯一進攻本錢都冇埋，不如疊埋心水穩守更實際。

修咸頓同史雲斯情況類似，上場喺英足盃第4圈又係失3球，反輸畀水晶宮2比3。其實「聖人」今季防守勁堅，喺英超踢咗22場只係失咗16球，比榜首嘅車仔失得仲少，對水晶宮失咁多球係球員一時大意。總而言之兩軍交晒學費，今場雙方領隊都會要求班波先做好防守，入波唔慌多，一於捧細！