摩納哥里昂復興博半和

猪拉多纳

法甲亦有經典對決，摩納哥主場迎戰里昂，兩隊曾於2000至08年期間喺法甲互相輝映，但近年被巴黎聖日耳門、馬賽搶晒風頭。不過今季形勢有改變，里昂復興佔據榜首，愈來愈心雄目標直指冠軍。至於摩納哥已保持12場90分鐘法定時間不敗，兼冇失波，防守力驚人。今場高手過招，雙方都會特別謹慎，尤其是上半場互相試探居多，揀1.95倍半場和。

（TVB302周一凌晨4時直播）
摩納哥悶蛋12場不失

摩納哥今季一度出現財困，被迫出售占士洛迪古斯畀皇馬，以及外借法卡奧畀曼聯，令成績倒退。教練查甸冇咗兩名進攻好手，改踢「悶蛋足球」效果仲好，近12場比賽保持不失，但其中10場勝仗，入波都係一球起、兩球止，踢法四平八穩，遇上強敵里昂，更加唔敢冒進。

里昂最犀利武器係前鋒拿卡錫迪，呢位23歲法國國腳今季聯賽已有22球進帳，問題係佢遇到摩納哥穩健防守，好難搵到食。兩隊曾於上年12月法聯盃交鋒，90分鐘互交白卷，拿卡錫迪要等到加時15分鐘，先至入波為里昂扳平，最終互射12碼，摩納哥晉級。已經有辦畀大家睇，預料今場又係拉鋸戰，半場和好路。