修咸頓誓擒天鵝保三甲

猪拉多纳

周一凌晨0:00now621直播

今輪英超最大焦點，一定係尋晚車路士鬥曼城嘅榜首大戰，但其實今晚尾場都好緊張o架，因為今周前排喺聯賽榜第3位嘅「聖人」修咸頓，家陣只領先曼聯2分，相信佢哋為保三甲位置，今場主場硬撼「天鵝」史雲斯誓必搏到盡，「聖人」讓半一捧1.81倍上盤！
主場爆廠唔嘢小

雖然「聖人」上場英總第4圈以2:3輸咗畀水晶宮出局，不過唔計呢場，佢哋已經8場不敗有6勝2和，仲要對住勁旅都冇失威。佢哋之前造訪奧脫福球場爆冷贏波，係27年來首次作客打敗紅魔！而且佢哋仲喺主場摸和過榜首車路士，同淨勝阿仙奴兩粒，絕對唔嘢小！

「聖人」勝在得分點多，好似加斯安奴柏利、杜辛泰迪治、沙迪奧文尼等進攻好手，個個輪住入波，就算沙恩朗今場受傷唔踢得，都唔使驚佢哋冇波入啦。再講吖，修咸頓今周前排積分榜第3位，同第4位嘅曼聯只相差2分，想保住「三哥」位嘅話，今晚對史雲斯唔贏點得呀！
史雲斯英超作客勁失波

另邊廂，史雲斯近況認真濕滯，繼上輪聯賽主場淨吞車路士5蛋後，上場英總鬥英冠布力般流浪又以1:3慘敗，就連主帥蒙克都覺得慚愧向球迷道歉。「天鵝」實力原本已經差修咸頓一截，今場仲要作客，睇番佢哋今季英超10場客場賽事贏得2場咁大把，仲要勁失17球！最弊係進攻命脈韋菲特邦尼仲轉投咗曼城，鋒力大跌，今晚受讓都冇着數啦！
Data King：修咸頓近6次交手不敗

‧修咸頓近11戰英超主場有7場不失。

‧史雲斯連續377分鐘未攻破過修咸頓大門。

‧雙方近6次聯賽對碰，修咸頓取得3勝3和。
乜都玩錦囊：交手旺半和再追交手旺半和再追

修咸頓近年例牌食住史雲斯，最近6次對碰未輸過，取得3勝3和佳績。但值得留意嘅係，「聖人」喺上半場成日都搞唔掂「天鵝」，呢6場波有5場和住返入更衣室，今場不妨再揀2.1倍「半場和」。