獅吼主場變病貓 鳳凰弗爆展翅

猪拉多纳

澳職今日有場獨腳戲，由排第7嘅布里斯班獅吼主場對「老四」威靈頓鳳凰。獅吼近3仗未贏過狀態認真麻麻，而且主場戰績亦唔見得好，今場面對近7仗贏咗6場嘅鳳凰，相信難望交出好成績，讓球盤鳳凰受讓平半，阿謙梗係推介下盤。

（有線64及203台周一下午5時直播）

亞洲盃賽事已經曲終人散，一眾國腳亦開始重返球隊，但獅吼中場麥特麥基同鳳凰前鋒尼敦般斯剛應付完亞洲盃決賽，相信今仗未必會即時上陣。獅吼上仗聯賽作客鳳凰慘吞3蛋，球隊近3仗未贏過狀態麻麻，今仗更有前鋒軒歷基安達迪休戰，加上硬淨嘅後衞諾夫停賽，令球隊實力進一步受削。獅吼近5仗主場賽事都未贏過，喺自己地頭出戰都唔係有好大優勢，要重拾勝軌相信唔係易事。
上仗對撼鳳凰大勝

鳳凰近期嘅狀態就好得多，近7仗取得6勝1和表現極之理想，上仗喺首席射手尼敦般斯缺陣下仍能主場大勝獅吼，足見球隊狀態甚弗。鳳凰雖有前鋒基舒拿腿筋重傷提早「收咧」，後衞文尼梅斯卡特則因足踝有傷上陣成疑，但球隊最近連贏4場且作客3連勝，狀態同信心都唔錯，就算作客亦有望重演上仗大勝獅吼一幕，受讓平半梗係捧下盤啦！