獅吼鳳凰大有睇頭

猪拉多纳

主將缺陣後防穿窿

澳洲日前首度奪得亞洲盃，令澳職得到更多人關心，今日布里斯班獅吼主場迎戰威靈頓鳳凰，兩隊都有主將為澳洲隊征戰未歸隊，各自讓一隻車，而且雙方後防都有唔少隱憂，今場大戰開「入球大」機會極高，當然要玩「大」佢啦！

（有線64及203周一下午5:00直播）
鳳凰文尼梅斯卡特 踩中爛草皮受傷

布里斯班獅吼近3場聯賽有2場畀對手攻入3球，後防唔集中問題一直為人詬病，班波喺休戰期間亦從韓職簽入25歲後防迪華利，不過中場靈魂麥特麥基踢完亞洲盃要時間休息，加上後衞諾夫停賽，相信後防會更加受壓。

鳳凰賽前傳出噩耗，後防主將文尼梅斯卡特喺操練期間踩中爛草皮受傷，今場唔知趕唔趕得切上陣，教練梅歷克嬲到狂插訓練場質素差，而且澳洲國家隊前鋒尼敦般斯今場避戰，攻守實力都受削弱。

布里斯班獅吼休戰前最後一輪就係吞威靈頓鳳凰3蛋，仲有吖，上季兩隊3度交鋒都係獅吼贏2:1，既然呢兩支球隊對碰旺大，今場梗係繼續追啦！
頂占筍盤：布里斯班獅吼（入球大）