加納黑星狙擊大象

猪拉多纳

92年失冠之恨復仇機會來了

非國盃今晚上演王者之戰，由科特迪瓦及加納爭冠軍。兩軍都係今屆演出最平穩球隊，科特迪瓦今場要讓波全因名牌效應，波童認為踢法實而不華、活力、拚勁兼備嘅加納唔會輸蝕畀對手，科特迪瓦讓平半捧下盤。

（周一凌晨3時開賽）

「大象兵團」科特迪瓦對上一次捧走非國盃喺92年，決賽對手咁啱又係「黑星」加納，結果科特迪瓦要踢足一百二十分鐘，再經過一場馬拉松式十二碼先以11比10擊敗對手，今次冤家碰頭，科特迪瓦想喺法定時間之內解決對手一樣唔容易，雖然耶耶托尼上場射入世界波技驚四座，不過佢喺今屆整體表現只屬一般，同効力曼城時喺中場走上走落根本冇得比。前鋒韋菲特邦尼、謝雲奴亦係神經刀之流，今場被睇好只因名氣較大。
基恩復出起壓場作用

加納今次賽事棄用奇雲保定、艾辛及蒙達利等老將，改以阿休兄弟、基斯甸艾素等球員孭重飛，全隊年齡都喺30歲以下，充滿活力。球隊上仗冇咗受傷嘅隊長基恩依然可以輕取東道主赤道畿內亞打入決賽，足證上下信心十足，呢名精神領袖今仗趕及復出起到壓場作用，隨時成為勝負關鍵。
冠軍賠率

科特迪瓦 1.62倍

加納 2.15倍